Karangan Bahasan (Bahasa Sunda)

KARANGAN BAHASAN/EKSPOSISI


Karangan bahasan nyaeta karangan anu nerangkeun atawa mere nyaho hiji hal. Cirina aya proses/lengkah-lengkah/prosedur.


contoh karangan bahasan :



BURGER TEMPE

      Hamburger atawa nu sok disebut burger teh nyaeta dahareun tina roti buleud nu dibagi dua tuluy di tengahna dieusian ku daging, sayuran (tomat, saladah, bawang bombay), jeung macem-macem caos (caos tomat, mayonaise, mustard).

      Loba jalma nu nyangka yen ngaran hamburger teh asalna tina kata "ham" nu hartina daging babi. Tapi,nu bener mah ngaran hamburger teh dibawa tina ngaran tempat eta dahareun mimiti dijieun, nyaeta di Kota Hamburg Jerman. Ti dinya, loba masyarakat Jerman nu pindah ka Amerika tuluy nyebarkeun cara ngajieun burger. Kabeneran, kata "ham" dina bahasa inggris nu hartina "daging babi" cara pengucapanana sarua jeung pengucapan kata "hamburger". Faktana hamburger henteu ngandung ham (tapi aya oge restoran nu nambahkeun ham jang nambahan cita rasa).

     Umumna, eusi burger teh ku daging sapi jeung daging hayam. Tapi ayeuna mah loba nu ngajual burger nu eusina rendang, spageti, malah aya oge burger nu eusina cau jeung es krim. Jang anu keur program diet, eusi burger teh bisa diganti ku sayuran atawa bahan sejen saperti tempe. Salain murah, tempe oge ngandung protein, antibiotika, jeung antioksidan nu dipercaya mangpaatna pikeun kasehatan.

      Cara ngajieunna, siapkeun roti burger, saladah, tomat, mayonaise, caos tomat, bawang bombay, bawang daun, bawang bodas cingcang, uyah, pedes, endog jeung 300gr tempe nu geus diseupan. Campur bawang bodas, bawang daun, uyah, pedes jeung tempe. Lamun tos kacampur rata, tambahkeun endong jang pangrapet (meh tempena teu mararisah lamun digoreng). Bentuk buleud ipis adonan (ukuran disasuaikeun jeung roti). Goreng adonan nepi ka warnana kacoklatan. Terakhir, susun roti, saladah, tpmat, bawang bombay, jempe tuluy dicaos tomatan jeung mayonaise. Burger tempe siap dihidangkeun.





Sumber : http://isnanafisah.blogspot.co.id/2015/02/karangan-bahasaneksposisi-karangan.html?m=1